“ბაირონ ქეითის “სამუშაოს” პროფესიულად შესასწავლი პროგრამა არის უძლიერესი პროგრამა, მე ამ მეთოდის დახმარებით თითქოს ახალი ფანჯარა აღმოვაჩინე და გავაღე ჩემში, დაეხმარა საკუთარი თავის შეცნობაში და რეალური სამყაროს დანახვაში, რომელიც გაცილებით უფრო კეთილია ვიდრე ჩვენ წარმოგვიდგენია. მე არასოდეს დამავიწყდება ეს გამოცდილება რაც ამ პროგრამაში მივიღე.
ეს პროგრამა არის უნიკალური, ის მორგებულია როგორც პროფესიონალ ფსიქოლოგზე ისე ფსიქოლოგიის არ მცოდნე ადამიანებზეც, ყველას შეუძლია შეისწავლოს ეს მეთოდი და ცოდნა რასაც ამ პროგრამის შედეგად მიიღებ, ძალიან ღირებულია და ის როგორც ცხოვრებაში ასევე პროფესიული კუთხით გამოსაყენებლად უძლიერესი საშუალებაა.
ამ პროგრამაში ძალიან კარგი მეგობრები გავიჩინე, გავიცანი საუკეთესო ადამიანები, რომელთაგან ძალიან დიდ სითბოს და მხარდაჭერას ვგრძნობ. სხვა თუ არაფერი, მარტო ამ ადამიანების გაცნობისა და დაახლოვებისთვის ღირდა ეს პროგრამა.
ჩემი ცხოვრება პროგრამამდე ძალიან გავდა გზა დაკარგული ადამიანის ცხოვრებას, რომელსაც თითქოს ყველაფერი ქონდა ბედნიერებისთვის, მაგრამ ვერ ამჩნევდა და პოულობდა ბედნიერებამდე მისასვლელ გზას, ეხლა კი ნამდვილად ვიცი რა მინდა და ისიც ვიცი თუ როგორ მივიღო ის რაც მინდა. ვიცი რომ ჩემი ცხოვრება ძალიან მალე შეიცვლება და გახდება ისეთი როგორიც მე მინდა რომ იყოს და ჩემი ცხოვრების შეცვლის შედეგად მე შევძლებ ძალიან ბევრი ადამიანის ცხოვრება შევცვალო უკეთესობისკენ.