“სპეციალურად გავიყვანე რამდენიმე დღე სესიის შემდეგ, რათა გადამეფასებინა ყველაფერი და ნაკლები ემოციებითა და მეტი კონკრეტიკით გაჯერებული, ობიექტური გამოხმაურება გამომსვლოდა.
უკვე 7 წელია ამ ნიშაში ვსაქმიანობ და პირდაპირ გეტყვი, რომ წარუმატებელი გამოცდილებისა და რამდენიმე იმედგაცრუების გამო, ვერიდებოდი ქართველ ტრენერებთან, როგორც კლიენტი ურთიერთობას [სამწუხაროდ, ამ მხრივ ჯერ ძალიან ღარიბია ჩვენი ბაზარი].
როდესაც შენი პოსტი დავინახე, თავიდან ისე ჩავუარე – გავატარე მაგრამ შემდეგ რაღაც ვიგრძენი შიგნიდან, რამაც დამაბრუნა და მონაწილეობის მიღების სურვილი გამომათქმევინა.
მოკლედ, ეს რაც შეეხებოდა შესავალს, ახლა კი თავად სესიაზე მინდა ვთქვა ორი სიტყვა
ინფორმაციულ დონეზე, როგორი კომპეტენტურიც არ უნდა იყოს ადამიანი, თუ მისი თავდაჯერებულობა და ცნობიერების დონე დაბალია ის ვერანაირ შედეგს ვერ მისცემს ადამიანს. შენმა თავდაჯერებულობამ და ცნობიერმა მდგომარეობამ კი, არა თუ გამაოცა, არამედ ძალიან სერიოზული გავლენა მოახდინა ჩემს ტრანსფორმაციაზე – კონკრეტულად იმ და არა მხოლოდ იმ საკითხში, რომელზეც ვიმუშავეთ.
ეს ერთი… მეორე, და არანაკლებ მნიშვნელოვანი პროფესიონალ ქოუჩინგში – ეს არის მიუკერძოებლობა და არადირექტიული ქოუჩ-პოზიცია, რაც მე ვფიქრობ, რომ ერთ-ერთი ყველაზე რთულია და პერსონალური განვითარების უმაღლეს დონეს მოითხოვს ადამიანში და ეს ყველაფერი შენში საკმაოდ მაღალი დოზით არის.
და ბოლოს, ყველაზე, ყველაზე, ყველაზე მთავარი… შენ შეძელი და ისე გაართვი ამ ყველაფერს თავი, რომ ერთი წამითაც არ დაგიტოვებია შენი ქალური საწყისი და არ გადასულხარ მამაკაცურს საწყისში, რაც სამწუხაროდ ჩვენი ქალი კოლეგების 99% არ გამოსდის და კაცურად უძღვებიან ტრენინგებსა და სხვადასხვა პროექტებს.
გეტყობა, რომ ეს შენი თემაა და იმდენად დიდ სიამოვნებას იღებ პროცესით, რომ შედეგებიც ფენომენალური გექნება – როგორც შენ, ასევე, შენს კლიენტებს.
ბოლოს კი, ვინც მიცნობს და სჯერა ჩემი, მინდა ვურჩიო: მეგობრებო, ვისაც გსურთ საკუთარ თავში არათუ კოსმეტიკური, არამედ გენერალური “უბორკის” ჩატარება, თვითგამორკვევა და ყველაფრის ლამაზად, თაროებზე დალაგება, მიმართეთ თინის, გაიარეთ მასთან გრძელვადიანი პროგრამა და ნუ დაგენანებათ ნურცერთი თეთრი, რომელსაც გადაიხდით. იცოდეთ, რომ თქვენ ნამდვილი პროფესიონალის ხელში იქნებით, რომელიც ექსტრა-კლასის დონეზე გაართმევს თავს თქვენს A პუქტიდან B პუნქტისკენ ცნობიერ მოგზაურობას.
მე გადავწყვიტე, უახლოეს მომავალში გავიარო შენთან გრძელვადიანი ინდივიდუალური პროგრამა.
სიყვარულით, მადლიერებითა და რწმენით: GT”
