“თინი დაახლოებით ორი წლის წინ აღმოვაჩინე facebook-ის საშუალებით, სწორედ მისგან მოვისმინე პირველად ბაირონ ქეითის „სამუშაოს“ შესახებ, ძალიან დამაინტერესა მისმა საუბარმა, ვიდეოებმა, ზოგადად მესიჯმა. შინაგანი ძალის გამოღვიძება სწორედ ისაა, რაც თითოეულ ადამიანს სასიცოცხლოდ სჭირდება. მას შემდეგ სწორედ თინის ვიდეოებს ვუყურებ აქტიურად და სხვა ფსიქოლოგიური ტიპის ბლოგერებთან შედარებით უფრო მეტად, რადგან მომწონს მისი სტილი, პროფესიონალიზმი, კომპეტენტურობა და ყურადღება. თინი გულისხმიერად და მონდომებით ცდილობს საკუთარი გამოცდილების გაზიარებას და წარმატებითაც გამოსდის. მუდმივი ზრდა და განვითარების სურვილი ძალიან მომწონს მასში, ეს მეც მძენს მოტივაციას და განმაწყობს წარმატებისთვის, რადგან მისი სახით შესანიშნავი მაგალითი მყავს, არამარტო მე, ძალიან ბევრ ადამიანს.
მას შემდეგ რაც ჩემს თავზე მუშაობა აქტიურად დავიწყე, თინი ძალიან დამეხმარა, როგორც თავისი ვიდეოებით, ასევე საავტორო პროგრამით, თავისი ყურადღებით და დახმარების დიდი სურვილით. მისი გამოცდილება და პროფესიონალიზმი ნამდვილად მისაბაძია და ბევრი ადამიანისთვის სასარგებლო.”
