“ცხოვრება მარტივია. მას მხოლოდ ის ფიქრები ართულებს, რისიც ცხოვრების შესახებ გვჯერა.” – ბაირონ ქეითი
😍 რა მაგარია, არა? თუ ჩვენს ფიქრებს ცხოვრების შესახებ გამოვიკვლევთ, შეიძლება ახალი ცხოვრება გადაიშალოს ჩვენს თვალწინ, რომელსაც მანამდე ჩვენი მცდარი შეხედულებები და ფიქრები ნისლივით ჰქონდა გადაკრული.
ბაირონ ქეითის “სამუშაოში” ძალიან მომწონს შებრუნებები. შებრუნებები ჩვენს მიერ დაჯერებული ფიქრის ალტერნატიული რეალობაა.
მაგალითად თუ მე მჯერა ფიქრის – “ცხოვრება რთულია”,
მისი ერთ-ერთი შებურნებაა – “ჩემი ფიქრები ცხოვრების შესახებ რთულია” – რას ნიშნავს ეს შენთვის? რა მხრივ შეიძლება ეს უფრო მეტად მართალი იყოს ვიდრე ის, რომ ცხოვრება რთულია?
ანდაც,
“ცხოვრება უსამართლოა”
შებრუნება: “ჩემი ფიქრები ცხოვრების შესახებ უსამართლოა” – ეს უფრო მეტად მართალი რა მხრივ შეიძლება იყოს?
იქნებ ჩემი მცდარი შეხედულებები არსებული რეალობის მიმართ ძალიან უსამართლო აღმოჩნდეს მას შემდეგ რაც მათ გამოვიკვლევ და მათგან გავთავისუფლდები? ვინ იცის…
კიდევ ერთი მაგალითი:
“ცხოვრება ტანჯვაა” – “ჩემი ფიქრები ცხოვრების შესახებ ტანჯვაა” – აბა დავფიქრდეთ, ჩემი შეხედულებები, შეფასებები, ფიქრები უფრო მეტ ტანჯვას იწვევს თუ თავად ცხოვრება? იგივე რეალობაში ეს ფიქრები და შეფასებები რომ აღარ მქონდეს, ვინ ვიქნებოდი და როგორ ცხოვრებას დავინახავდი? რას შევამჩნევდი?
მიყვარს “სამუშაო”, მიყვარს ჩემი ფიქრების გამოკვლევა.
მიყვარს ძალიან ის, რომ “სამუშაოს” პროცესში, ფიქრების გამოკვლევის დროს, არასდროს არ ვიცი სად აღმოვჩნდები… საოცარი შემოქმედებითი პროცესია… და სადაც აღმოვჩნდები ხოლმე, იქ ყოველთვის სიმშვიდე, თავისუფლება და ბედნიერებაა 🌈🌈🌈
🤩 გინდა ეს შენც გამოსცადო?
💥📖 დღესვე შეიძინე ბაირონ ქეითის ბესტსელერი წიგნი “გიყვარდეს ის, რაც არის”
