“თუ ფიქრობ, რომ ჩვენ შენთვის უნდა ვიყოთ, სინამდვილეში შენ თავად უნდა იყო საკუთარი თავისთვის” – ბაირონ ქეითი
ძალიან მიყვარს ეს სიტყვები და ეს ხედვა. მახსოვს ერთი ისტორია ბაირონ ქეითის “სამუშაოს” სკოლიდან. ეს მოხდა ერთი წლის წინ გერმანიაში. სკოლაში 300-ზე მეტი მონაწილე ვიყავით მთელი მსოფლიოდან. მათ შორის იყო 5 რუსულ ენოვანი მონაწილე. ისინი ძირითადად ერთად მუშაობდნენ და სავარჯიშოებსაც ერთდ ასრულებდნენ, რადგან მათ ინგლისური ენა არ იცოდნენ.
სკოლის ბოლო დღეს, ქეითმა დავალებები მოგვცა, რაც მომდევნო ერთი თვის განმავლობაში უნდა შეგვესრულებინა.
ერთ-ერთმა რუსულენოვანმა გოგონამ გადაწყვიტა გაებედა და ეს სავარჯიშოები ინგსლისურ ენაზე შეესრულებინა სხვა მონაწილეებთან ერთად და თან ამ დროს ინგლისურიც უფრო მეტად დაეხვეწა. როდესაც ის მივიდა სხვადასხვა მონაწილეებთან და სთხოვა მასთან ერთად მათაც ემუშავათ, ყველასგან უარი მიიღო. ამან ის ძალიან დაამწუხრა.
შემდეგ მიკროფონი ითხოვა და ქეითთს გაუზიარა ეს აუდიტორიის წინაშე. თან ტიროდა.
ქეითმა მას ასე უპასუხა: “თუ ყველასგან უარი მიიღე, მაშინ ვინ დარჩა? შენ! შენ ხარ ის, ვინც საკუთარ თავთან ერთად უნდა იმუშავოს და სავარჯიშოებიც საკუთარ თავთან ერთად უნდა შეასრულოს.”
შემდეგ ქეითმა გააგრძელა – “თუ მე რამის გაკეთება მინდა ძალიან, ჩემთვის არა არ არსებობს. ვინ ან რამ უნდა შემაჩეროს? მე თავიდან დავივლი იმ 300 ადამიანს, თავიდან მივალ თითოეულთან ერთხელ, ორჯერ, სამჯერ, ოთხჯერ, სანამ თანხმობას არ მივიღებ.”
შემდეგ ქეითმა გაუზიარა ვერონიკას იდეა, თუ როგორ შეეძლო ემუშავა უცხო ენაზე და თან ეს მუშაობა გასაგები და სასარგებლოც ყოფილიყო ორივე მხარისთვის.
ამ იდეით ვერონიკაც და აუდიტორიაში მყოფი მონაწილეებიც აღფრთოვანდნენ.
ვერონიკა დამშვიდდა. მან საკუთარ თავში საყრდენი იპოვა. ის საკუთარ თავს დაუბრუნდა და შემდეგ ამ პოზიციიდან განაგრძო სხვა მონაწილეებთან მისვლა.
ამ ჯერზე უკვე პირიქით ხდებოდა, უკვე სხვა მონაწილეები მიდიოდნენ ვერონიკასთან და სთხოვდნენ ისინი ყოფილიყვნენ მისი მეწყვილეები სავარჯიშოების შესრულების დროს. ვერონიკას ახლა პირიქით თავად უნდა აერჩია ვისთან სურდა მუშაობა და ვის დასთანხმდებოდა.
ეს ისტორია ძალიან საყვარელი და ძალიან ამაღელვებელი იყო…
🤩 შენც გინდა შენში ძლიერი საყრდენი იპოვო და საკუთარ თავთან დაბრუნდე?
😍 დღესვე შეიძინე ბაირონ ქეითის ბესტსელერი წიგნი “გიყვარდეს ის, რაც არის”
