ძალიან ბევრ რამეს ვსწავლობ ჩემი შეყვარებულისგან. საფრანგეთში, დიჟონში არის ასეთი ლეგენდა, რომ თუ მიხვალ კედელში გამოქანდაკებულ ბუსთან, სპეციალური ბუს-ნახატიანი ბილიკის გავლით, შეეხები და სურვილს ჩაუთქვამ, ის სურვილი აუცილებლად აგისრულდება.
რა თქმა უნდა მივყევი ინსტრუქციებს და ჩავუთქვი სურვილი ✨🙏🏻✨
შემდეგ კი არწიომს ვკითხე თვითონ რატომ არ უთქვამდა სურვილს. არწიომმა მითხრა, რომ მას უკვე ყველაფერი აქვს, რაც სურს. ჰმმ, გამიკვირდა… რას ქვია გქონდეს ყველაფერი უკვე და მეტი აღარ გსურდეს? შემდეგ კი მან ამიხსნა, რომ ის ცხოვრობს და მოქმედებს ისეთი შინაგანი მდგომარეობით, როდესაც ამჩნევს, აფასებს და მადლიერია იმით რაც აქვს, კმაყოფილია, შინაგანად აქვს სიკმარის შეგრძნება და ამ შეგრძნებით აგრძელებს თავისი მიზნების განხორციელებას.
ამ დროს გავაცნობიერე, რომ მე ხშირად ვმოქმედებ ან მიზნებისკენ მივდივარ იმ შინაგანი მდგომარეობით, რომ ეს მინდა, იმიტომ რომ ეს არ მაქვს… ძალიან საინტერესო და მნიშვნელოვანი გაცნობიერება იყო, რომელიც ძალიან დამეხმარება ცხოვრებაში. 😍💛☀️✨
როდესაც რაღაც გვსურს იმიტომ, რომ ეს არ გვაქვს, ამ დროს საკუთარ თავს ვაიგივებთ იმასთან, ვისაც ეს არ აქვს და ჩვენში მოქმედებს ის, ვისაც ეს არ აქვს, ჩვენი ტვინიც იღებს ინფორმაციას, რომ ჩვენ ეს არ გვაქვს, ამიტომ ამას ადვილად ვერ ვიღებთ და სირთულეებს ვიზიდავთ. ხოლო როდესაც მადლიერები ვართ, ვაფასებთ იმას, რაც გვაქვს, ვხედავთ და ვამჩნევთ ირგვლივ არსებულ სიუხვეს, რაც უკვე ჩვენს ცხოვრებაშია, ნაკადში ვართ და ამ ტალღაზე ვმოქმედებთ, შესაბამისად კი მეტს ვიღებთ, არა იმიტომ რომ რაღაც გვაკლდა და მივიღეთ, არამედ იმიტომ, რომ უკვე ამ ტალღაზე ვცხოვრობთ და შესაბამისად ადვილად მოდის ყველაფერი, პროცესში ვართ. ამის უფრო ცხადად დანახვა და გაცნობიერება ძალიან მნიშვნელოვანი იყო ჩემთვის და ამისთვის არწიომის ძალიან მადლიერი ვარ. მისგან ძალიან ბევრს ვსწავლობ და ვიზრდები.✨☀️✨
