შიშით ვმოქმედებ თუ სიყვარულით?
დღეს ძალიან საინტერესო სესია მქონდა ერთ ამერიკელ გოგონასთან, რომელიც ფემინისტია. ძალიან ღრმა და ძლიერი “სამუშაოს” სესია გამოგვივიდა, რადგან ის ძალიან გახსნილი და ღია იყო. მინდა თქვენც გაგიზიაროთ. ✨☺️✨
ვიკვლევდით ფიქრს “ქალები მამაკაცებზე უკან აყენებენ თავს.” გამოკვლევის პროცესში ერთ-ერთი შებრუნება ასეთი იყო “ჩემში არსებულ ქალს, ჩემს ეგოზე უკან ვაყენებ.” და ამან სიღრმეებში წაგვიყვანა. მან აღიარა, რომ ეს ხშირად ხდება, რადგან გულის სიღრმეში ეშინია დაიჩაგროს, ეშინია არ იყოს ძლიერი. ეს შიში მოდიოდა მისი მშობლების ურთიერთობიდან, სადაც დედა ხშირად უყვიროდა მამას და მას ეშინოდა, რომ თუ ნაზი, უფრო თბილი და ალერსიანი იქნებოდა, ამით ის დაიჩაგრებოდა. პროცესში მან თქვა, რომ ხშირად ის მოქმედებდა შიშით და არა სიყვარულით. ეს მნიშვნელოვანი მომენტია.✨✨✨
პირადად ჩემთვის ეს კითხვა ყველაფრის ინდიკატორია, რასაც ვაკეთებ რა მმართავს, შიში თუ სიყვარული? ამ კითხვაზე პასუხის გაცემისას მივხვდი, რომ ძალიან მნიშვნელოვანია საკუთარ თავთან გულწრფელობა.
თუ შიში, რისი მჯერა? რის კომპენსაციას ვცდილობ? რისი დაკარგვის მეშინია?
სიყვარულით მოქმედება მეხმარება ჩემს თავთან ჰარმონიაში ვიყო, ჩემს თავს მივუახლოვდე, უკეთ გავაცნობიერო და ჩემს ირგვლივაც სიყვარული, სიმშვიდე შევქმნა. ✨☺️✨
იმისთვის, რომ ეს გამომივიდეს, ძალიან ხშირად ვმუშაობ საკუთარ თავზე, რომ უკეთ გავაცნობიერო რა მმართავს, რომ მან აღარ მმართოს და საკუთარ ქმედებებში, ცხოვრებაში მეტი ცნობიერება შევიტანო. ამის გაცნობიერება და მისგან გათავისუფლება დიდი შინაგანი ძალაა, მჯერა ეს ძალა თითოეულ ჩვენგანშია ✨
ასეთი მიდგომა ჩემს ცხოვრებას ძალიან ამარტივებს, უფრო მსუბუქს, ჰარმონიულს, ნათელს და ბედნიერს ქმნის ✨☀️✨
და ძალიან მიხარია, რომ შემიძლია სასარგებლო ვიყო თქვენთვის, ვისაც საკუთარ თავზე მუშაობა, საკუთარი თავის და იმ ყველაფერის გაცნობიერება გსურთ, რაც თქვენ და თქვენს ცხოვრებას მართავს, რომ საკუთარ ცხოვრებაზე სადავეები თავად, ცნობიერად აიღოთ ✨🔑✨
ამისთვის შემიძლია ძალიან ღრმა, საინტერესო და ბევრი გაცნობიერებით სავსე ინდივიდუალური სესიები შემოგთავაზოთ ✨☀️✨
ბედნიერ და სიყვარულით სავსე დღეს გისურვებთ 💛☀️🌈✨
