მართალი მინდა ვიყო, თუ თავისუფალი? ✨
გუშინ ვმუშაობდი ერთ ლატვიელ ქალთან და კიდევ ერთხელ დავრწმუნდი რამხელა მნიშვნელობა აქვს შინაგან მზაობას, გახსნილობას, საკუთარ თავთან გულწრფელობას, რომ თავისუფლება მოვიპოვოთ. მინდა ეს ქეისი თქვენც გაგიზიაროთ 😍💛☀️✨
მას ტრენინგის ჩატარება სურდა, მეილებზე მოსაწვევები რომ დააგზავნა გამოხმაურება ვერ მიიღო და ამ ადამიანებზე გაბრაზებული იყო.
მუშაობის დროს გავოცდი რამდენად გახსნილი, მონდომებული იყო და მზად, რომ გათავისუფლებულიყო. ერთ საათში სრულიად გათავისუფლდა, თავის თავზე პასუხისმგებლობა აიღო და გააცნობიერა, რომ გულის სიღრმეში მზად არ იყო იმ თემაზე ტრენინგის ჩასატარებლად, რასაც სთავაზობდა. ეჭვები ჰქონდა, თავდაჯერებულობა აკლდა და საკუთარ თავთან აღიარა, რომ სინამდვილეში თვითონ უნდოდა, რომ არავინ გამოხმაურებოდა და ეს ტრენინგი არ შემდგარიყო. ადამიანებმაც ეს იგრძნეს და როგორც სარკეებმა, აირეკლეს.
ამის საკუთარ თავთან აღიარებამ ძალიან დიდი შინაგანი თავისუფლება მიანიჭა და მიხვდა, რომ ის ადამიანები არაფერ შუაში იყვნენ, მათ უბრალოდ განახორციელეს ის, რაც მას გულის სიღრმეში გაუცნობიერებლად სურდა… ამასთან ერთად ისიც გააცნობიერა შემდეგში რა უნდა გააკეთოს, რომ სასურველი შედეგი მიიღოს ✨☺️✨
საკუთარ თავთან გულწრფელობა… ძალიან ძლიერი რამ არის… ყველა პრობლემას ხსნის, აგვარებს და უდიდეს თავისუფლებას გვანიჭებს 💛☀️✨
მზად ვარ დიდი სხარულით და სიყვარულით თქვენც დაგეხმაროთ შინაგანი თავისუფლების მოპოვებაში ✨☺️✨
