როცა ორგანიზაციას გაცნობიერებული აქვს თავისი მისია

რა მაგარი ორგანიზაციაა Byron Katie International. არ შემიძლია საჯაროდ არ გამოვხატო აღფრთოვანება :))) 

ესეთი ორგანიზებული, ჩამოყალიბებული – რისი განყოფილება აღარ არსებობს… :)) 

ბაირონ ქეითის თავისუფალ წვდომაში არსებული რესურსების ქართულ ენაზე გადმოთარგმნის პროექტზე ერთობლივი მუშაობა დავიწყეთ და იმისთვის, რომ შესრულდეს რაც შეიძლება ზუსტი და საუკეთესო თარგმანი, გამომიგზავნეს სპეციალური დოკუმენტი, სადაც მარტო მინიმუმ 5-6 გვერდი ეთმობა ინსტრუქციას, თუ როგორ უნდა ითარგმნოს და რა უნდა გავითვალისწინო, იმისთვის, რომ ეს მოხდეს რაც შეიძლება საუკეთესოდ, რომ თითოეულმა ადამიანმა, რომელიც მას ქართულ ენაზე წაიკითხავს, კარგად შეიგრძნოს რისი თქმა და გადმოცემა სურდა ქეითის 

კონკრეტულად ასეთი საკითხისადმი მიძღვნილი ინსტრუქცია და დოკუმენტებიც, თანაც ასე დეტალურად ჩამოყალიბებული, თუ არსებობდა არ ვიცოდი :))) 

რომ ვკითხულობ, ყველაფერი ისეთი დიდი პასუხისმგებლობით, სიყვარულით, ყურადღებით და გულით არის გაკეთებული… 
ეს ძალიან გადმომდებია <3

ამაში მონაწილეობის მიღება ძალიან დიდი სიამოვნებაა ჩემთვის დ მაქსიმალურად შევეცდები თითოეული წინადადება სიყვარულით და დიდი მონდომებით ვთარგმნო, რომ ქეითის სათქმელი საუკეთესო ფორმით მოვიტანო თქვენამდე ქართულ ენაზე და რომ ეს იყოს მაქსიმალურად სასარგებლო <3

ორგანიზაციის თანამშრომლებს, რომელსაც უკვე ვესაუბრე, ასევე ეხლა ვისთან ერთადაც ვმუშაობ ამ პროექტზე, თითოეული მათგანისგან ვგრძნობ, რომ ისინი შეყვარებულები არიან ამ ორგანიზაციაზე და მის მისიაზე, თითოეული მათგანი ამ მისიის გაცნობიერებული მატარებელია და დიდი პასუხისმგებლობით ეკიდებიან მას – ძალიან დიდი კომფორტი და სიამოვნება აღმოჩნდა მათთან თამაშრომლობა და Byron Katie International-ის კულისებში შეჭყიტვა   

მოკლედ, კიდევ ერთხელ გავაცნობიერე, რამდენად მნიშვნელოვანია ორგანიზაციას კარგად ჰონდეს გაცნობიერებული თავისი მისია და თითოეული თანამშრომელიც იყოს ამ მისიის გაცნობიერებული მატარებელი  ასევე, თითოეულ დეტალს, ძალიან დიდი სერიოზულობით და პასუხისმგებლობით რომ ეკიდებოდე – მაღალი, მსოფლიო დონის სტანდარტების დაცვით  ეს ძალიან დასაფასებელი, პატივსაცემი და მისაბაძია <3

ბაირონ ქეითის ტრენინგებიც, ჩემი მენტორისგან, მიკოლა ლატანსკისგან ვიცი, რომ მთელს მსოფლიოში ერთ-ერთი ყველაზე მაღალ დონეზე ორგანიზებულია. ძალიან საინტერესო და სასარგებლო იქნება ამაზე დაკვირვებაც – სხვა უამრავ შთაბეჭდილებასთან, ცოდნასთან, გამოცდილებასთან ერთად ამ საკითხზე მიღებულ შთაბეჭდილებებსაც გაგიზიარებთ   

მისურვეთ წარმატებები, რომ რაც შეიძლება კარგად წარიმართოს ამ პროექტზე მუშაობა  <3 <3 <3