რა საინტერესო საქმე მაქვს…:)
რამდენ საინტერესო ადამიანს ვხვდები და ვუსმენ… და რამდენს ვსწავლობ მათგან…<3
ვხედავ როგორ ნელ-ნელა იხსნებიან და იჯერებენ, რომ მათი ოცნებები რეალურია და ახდენადია!
მე მჯერა, რომ თითოეული ადამიანი თავის თავში ატარებს ერთ დიდ ოცნებას, რომლის ახდენასაც მიუძღვნიდა თავის ცხოვრებას, რომლის ასახდენადაც მოვიდა ამ ქვეყნად და რომლის ახდენის შემდეგაც უკეთესობისკენ შეიცვლება ეს სამყაროც… იმ ერთი ყველაზე ძვირფასი ოცნების ახდენაა ალბათ ჩვენი დანიშნულებაც…
მე ძალიან მომწონს ისეთ ადამიანებთან მუშაობა, რომლებსაც დიდი ოცნებები აქვთ, რომლებსაც თვალები უბრწყინავთ, როცა ამაზე საუბრობენ და რომლებიც უკვე იწყებენ მოქმედებას მათ ასასრულებლად… და რამდენი რამ იკარგება ალბათ, როდესაც არ გვჯერა ჩვენი შესაძლებლობების და შესაბამისად არ ვიყენებთ მათ… არადა რა ცოტა სჭირდება ადამიანს რომ ამოქმედდეს და საკუთარ ძალებში ირწმუნოს… როდესაც მათ გულწრფელად მთელი გულით მხარს ვუჭერთ და გულწრფელად გვჯერა მათი – სასაწაული ხდება, ისინი საუკეთესო მხარეებს ავლენენ გაბედულად და მათი შესაძლებლობებიც იხსნება და იხსნება <3
არასდროს დასცინოთ ადამიანების ოცნებებს, არ შეუშალოთ ხელი რომ ინათონ და იბრწყინონ – პირიქით ყოველთვის გაამხნევეთ და მხარი დაუჭირეთ, იქნებ ზუსტად თქვენ იყოთ ის ერთი ადამიანი, რომლის გამოც არ დანებდა და შექმნა თავისი ცხოვრებისგან საოცრება… <3
და რა არის თქვენი ოცნება?
რამდენად ღირებულია ის თქვენთვის და რამდენად დიდ სარგებელს მოუტანს სხვებსაც? რამდენად მიყვებით მას?
რა გიშლით ხელს რომ მოიშოროთ ყველაფერი ზედმეტი და იცხოვროთ თქვენი ცხოვრებით, დაკავდეთ იმით რის გამოც მოხვედით ამ ქვეყანაზე და ეს დიდი ოცნება, თქვენს ცხოვრებად აქციოთ?
რამდენად მნიშვნელოვანი და ღირებულია ეს მიზეზები, რის გამოც თავს იკავებთ თქვენს დიდ ოცნებასთან შედარებით?
იოცნებეთ თამამად და იმოქმედეთ გაბედულად!!! ეს თქვენი ცხოვრებაა და თქვენ ხართ ყველაზე მთავარი აქ!!
თუ თქვენ არა, მაშინ ვინ?
თუ ეხლა არა, მაშინ როდის?
