დღეს დავიწყე “ბალანსის მოდელით” მუშაობა და კიდევ ერთხელ დავრწმუნდი, რამხელა ბედნიერებაა აკეთო ის საქმე, რომელიც შენია, რომელიც ძალიან, ძალიან დიდ სიამოვნებას განიჭებს და რომელიც სხვებისთვისაც ძალიან სასარგებლოა!!!
ვზივარ ეხლა და ვფიქრობ საიდან მაქვს ამხელა ენერგია ვიმუშავე 3 კლიენტთან, 12 საათზე დავიწყე მუშაობა და დავასრულე 6-ის წუთებზე თან ისე გამოვიდა, რომ მიყოლებით, 5 წუთიც რომ არ დამისვენია ისე, 6 საათი!!!! და ეხლაც ისეთი გახარებული, ბედნიერი, შთაგონებული ვარ, რომ მხოლოდ დაღლილობის სასიამოვნო განცდა მაქვს… სხვანაირი დაღლილობაა ეს, ენერგიას რომ გაძლევს ისეთი!!!!
ახლა გავაანალიზე კარგად რას ნიშნავს განდის ეს სიტყვები, რომელიც ყოველთვის მომწონდა, მაგრამ ბოლომდე რომ ვერ ვხვდებოდი კარგად რას ნიშნავდა.. “იმისთვის რომ საკუთარი თავი იპოვო, ის უნდა დაკარგო სხვებთან მსახურების პროცესში” და აი დღეს პირველად და ძალიან მაგრად შევიგრძენი რას ნიშნავს დაკარგო თავი საყვარელი საქმის კეთების პროცესში და ამავდროულად იპოვო ისე, როგორც არასდროს… ძალიან მადლიერი ვარ, რომ მაქვს საყვარელი საქმე და ძალიან მადლიერი ვარ ჩემი დღევანდელი კლიენტების, რომ მენდეთ, რომ გაიხსენით, რომ გამოხატეთ ჩემთან მუშაობის სურვილი, რომ მომეცით საშუალება ვყოფილიყავი დღეს სასარგებლო, მიმეღო ამ საქმით და თქვენთან მუშაობით უდიდესი სიამოვნება, შთაგონება და ბედნიერების განცდა..ეს სხვანაირი ბედნიერებაა…
იპოვო და დაკავდე შენი საყვარელი საქმით – არ ვიცი მართლა ამაზე დიდი ბედნიერება რა არის… ძალიან სავსე და ბედნიერი ვარ <3
კიდევ ერთხელ დავრწმუნდი, რომ თითოეული ადამიანი ძალიან საინტერესო, გამორჩეული და უნიკალურია… ძალიან საინტერესოა ამ პროცესზე დაკვირვება, როგორ იხსნებიან ადამიანები და როგორ პოულობენ თავიანთ თავში მეტ შესაძლებლობებს!!! და მოკლედ მაგარი პროფესია მაქვს რაა <3
იპოვეთ და დაკავდით თქვენი საყვარელი საქმით, რაც თქვენი დანიშნულებაა!!!! ძალიან მინდა, რაც შეიძლება მეტმა ადამიანმა განიცადოს რამხელა სიამოვნებაა ეს <3
სასიამოვნო საღამოს გისურვებთ!!!! <3
