ასეთი ენა სულ 5-ია. 5 ფუნდამენტური ენა, რომელსაც აქვს თავისი დიალექტებიც.
მაგალითად თუ ადამიანის სიყვარულის ენაა დახმარება/მოხმარება (acts of service) და ასე გრძნობს, რომ ის უყვართ, რაც არ უნდა ველაპარაკოთ სხვა სიყვარულის ენით, მაგალითად ერთ-ერთი ენით, რომელსაც ქვია განმამტკიცებელი სიტყვები (words of affirmation) და რაც არ უნდა ვაქოთ, სათანადოდ ვერ იგრძნობს სიყვარულს, სანამ მის ენაზე არ დაველაპარაკებით და მაგალითად არ დავეხმარებით რამის გაკეთებაში…
თურმე ყველა ადამიანს ჰქონია თავისი შინაგანი “სიყვარულის ჭურჭელი”. თუ ის ცარიელია ან ცოტათი სავსე, ის გაღიზიანებულია, გარშემო ყველაფერი ნერვებს უშლის, ხოლო თუ სავსეა ის ბედნიერია და არაფერიც არ აღიზიანებს… ეს იმით აიხსნება, რომ ყველა ადამიანის ბაზისური მოთხოვნილებაა, რომ უყვარდეს და უყვარდეთ ანუ თავადაც გრძნობდეს, რომ ის უყვართ.
ბავშვები განსაკუთრებით ფაქიზები და მგრძნობიარეენი არიან… ჯანსაღად რომ განვითარდნენ და იყვნენ სრულფასოვნები, ბედნიერები და ლაღები საჭიროა მათ მიმართ სიყვარული რაც შეიძლება ხშირად გამოვხატოთ. თუ ბავშვი ცუდად იქცევა, აფუჭებს, ამტვრევს რაიმეს და ა.შ. ეს იმის მიმანიშნებელია, რომ ის ვერ გრძნობს სიყვარულს და მისი “სიყვარულის ჭურჭელი” ცარიელია…
საჭიროა შევისწავლოთ მათი სიყვარულის ენა და ამ ენაზე რაც შეიძლება ხშირად გამოვხატოთ მათ მიმართ სიყვარული, ეს მათ განსაკუთრებით სჭირდებათ!
მაგალითად, ჩემი ძმის, ნიკოს სიყვარულის ენა აღმოჩნდა, რომ არის შეხება. ის შეხებით გრძნობს რომ უყვართ. ჩვენ გვაქვს ახალი ტრადიცია <3 ნიკოს ყოველ დილით ვუსმევ ქოუჩინგურ შეკითხვას – 10-ბალიან სკალაზე რამდენი ქულით აქვს სავსე თავისი “სიყვარულის ჭურჭელი”. თუ მეტყვის, რომ მაგალითად 6-ზე, შემდეგ მე ვეკითხები რა შემიძლია გავაკეთო იმისთვის, რომ ის 7-ზე შეივსოს. ძალიან საყვარელია, სულ მპასუხობს ხოლმე, რომ ამისთვის უნდა ჩავეხუტო. შემდეგ ისევ ვეკითხები იგივეს სანამ 10-ქულაზე არ ავალთ და არ შევავსებთ მას ბოლომდე… 10 ქულაზე რომ ივსება ისეთი ბედნიერია ხოლმე და ისე ლაღად თამაშობს…
მშობლებო, დააკვირდით თქვენს შვილს/შვილებს რა არის მათი სიყვარულის ენა, რითი გრძნობენ განსაკუთრებით სიყვარულს? აუხსენით, რომ ყველა ადამიანშია “სიყვარულის ჭურჭელი”, რომლის შევსებაც ყოველდღე საჭიროა და თქვენც კითხეთ ხოლმე იგივე, ეს მათ ძალიან გაახარებთ, გააბედნიერებთ და ძალიან გამხიარულდებიან, რაც მათვარია ყოველდღე იგრძნობენ რომ ის უყვართ, რომ მნიშვნელოვნები, ღირებულები და ძვირფასები არიან – ეს განცდა მათთვის შეუცვლელია და ვერცერთი მატერიალური ნივთი ამას ვერ ჩაანაცვლებს..
ძალიან საინტესო და პრაქტიკული წიგნია… ყველას გირჩევდით მის წაკითხვას, განსაკუთრებით კი მათ, ვისაც შვილები, მეუღლე ან პარტნიორი გყავთ! ეს წიგნი ცხოვრებას შეგიცვლით თქვენც და თქვენს საყვარელ ადამიანებსაც! როცა ვიცით მათი სიყვარულის ენა, საუკეთესოდ ვფლობთ მას და სწორედ ამ ენაზე ველაპარაკებით, ისინი უბედნიერესი ადამიანები ხდებიან! შემდეგ კი ისინი ჩვენც კიდევ უფრო მეტად გვაბედნიერებენ <3
ამ წიგნში ძალიან ბევრ კითხვაზე მოიძებნება ძალიან პრაქტიკული და მარტივი პასუხები..ამ წიგნს ქვია “The 5 love languages” – Gary Chapman.
სიყვარულით სავსე საღამოს გისურვეებთ!!
მე დღეს 10-ბალიან სკალაზე 10 ქულით ვარ სავსე!!
